& the star & Ŧ h e ¦¦ β i G ¦¦ B o Ş s
المشاركات : 1483 العمر : 33 El Job : طالب تقيم العضو : 2 تاريخ التسجيل : 25/02/2008
| موضوع: الورقة اللي جننت كل البنات الثلاثاء يوليو 08, 2008 3:13 pm | |
| بيقولوا كان فى ام عجوزة على فراش الموت وما كنش عندها إلا ولد واحد .... وهي على فراش الموت قالت له وصية خد يا ابنى الورقة دى ... وأي بنت تشوفها فى أى مكان افتح لها الورقة وخليها تقراها وياويلك إذا قريت اللي فيها ... انت متشوفهاش ما تفتحش الورقة .... إلا إذا كنت خلاص قربت تموت قالها حاضر يا امى و بعديها بلحظات ماتت الأم الله يرحمها حزن الولد حزن شديد على امه لانه مكنش ليه غيرها بعد مده ..... قال لازم أنفذ وصية أمي طلع للشارع .... وبالصدفة وهو ماشى من عند كافتيريا قال لما ادخل و اخد فنجان قهوة أعدل دماغى دخل الكافتيريا و طلب فنجان القهوة جت الجرسون و كانت بنت ... وقدمت له القهوة وهو بيشرب القهوة ... قال ليه ما أوريهاش الورقة ... فكرة والله قام أخينا فتح الورقة وورهالها البنت على طوووووول ... قامت تصوت و تزعق ليه ياللي فيك و فيك ... يا خسيس ... يا حقير ياقليل الأدب .... يا عديم الذمة يا عديم الضمير ... يا منحط ... ياسافل و شتايم مالهاش اول من اخر الراجل يا عينى اتخض لما لقى الكل متلم حوليه و هو اساسا مش عارف ايه حصل و ليه البنت عملت كدة جاه صاحب القهوه .... وطرده المسيكين زعل جدا ... وحزت في نفسه جدا و قال أكيد البنت دى مجنونة ... أكيد فيها حاجة طلع من القهوه ... ومشي في الشارع ... وبالصدفة لقى ملاهي ... قال لما أدخل دخل الملاهي ... وقعد يلعب راح إلى لعبة تصادم السيارات <=== كان بيحبها من و هو صغير مالقاش ولا عربية فاضية .... شافته بنت ... قالت له .. تعال إركب معاياالرجال إنبسط ... فرح ... ركب معاها ... وقام يلعب و اتكلموا و ضحكوا و كانوا فى قمة الانبساط واخيرا .... عزمته على آيس كريم .... إنهبل ... مصدقش نفسه راحوا يشتروا الايس كريم و قعدوا يتكلموا مع بعض قال هوريها الورقة دى شكلها بنت كويسة و تختلف عن البنت اللى قبلها ... فتحلها الورقة و ادهالها تقراهاالبنت على طوووووول ياللي فيك و فيك ... يا خسيس ... يا حقير ياقليل الأدب .... يا عديم الذمة يا عديم الضمير ... يا منحط ... ياسافل و برضه شتايم مالها اول من اخر برضه الراجل مكنش فاهم فى ايه هيموت و يقرا الورقة لكن امه محذراه المهم اخد اللى فيه النصيب من البنت و مشى و هو فى طريقه للبيت كان جعان جدا مر على مطعم
دخل طلب 3 سندوتشات طعمية على 2 سندوتشين فول
المهم شبع و قام روح و بالليل قام من النوم و هو بيتوجع و بيصرخ و يقول اه يا بطنى اه يا بطنى شكله جاتله الزايده المهم جرى على المستشفى و عملولوا عمليه الزايدة . صحى تانى يوم شاف الممرضه قدامه ... قال اكيد دى تختلف عن الباقين هى ملاك الرحمة و انا مريض اكيد هتعطف عليا و قام الراجل وراها الورقة
البنت على طوووووول ... قامت تصوت و تزعق زي اللي قبلها واللي قبل قبلها
إنهبل الراجل ..... جن جنونه .... قال والله ما انا قاعد فى البلد دى كلهم مجانين . ماليش غير السفر .. حجز تذكرة على اول رحلة خارج البلد .... ركب الطيارة وقعد في الكرسي ... جت المضيفة تخدمــه <== بنت ... جابت له العصير ... وقال انشاءلله هوريها الورقة أكيد المضيفات بنات .. رقيقات ... ومحترمات
فتح الورقة لها .......... والبنت على طوووووول ياللي فيك و فيك ... يا خسيس ... يا حقير ياقليل الأدب .... يا عديم الذمة يا عديم الضمير ... يا منحط ... ياسافل
و هوبببببببببببب قالتله هناديلك السوبر فايزر بتاع طاقم الطيارة و هو بقى يتصرف معاك
جيه السوبرفايزر ... وسمع الحكاية من المضيفة قال ..... أبداً .... أبداً .... مالكش قعاد في الطيارة دى ... أبداً ما فيه إلا حل واحد ........ ما فيه غيره .... نرميك من عند باب الطيارة
إنهبل الرجال وإنفقعت مرارته .... وبرضه مش عارف ولا فاهم فى ايه ..... و الناس مصممة انهم يرموه من باب الطيارة قالهم ارحمونى قالوله ابدا ابدا و بعدبن دعى دعاء كدة على السريع و قال اللهم إني أنفذ وصية أمي ...... و بعدين قالهم طيب ... أنا عندي طلب ممكن ...... قالوا اتفضل
قال لهم ... وأنا واقف عند الباب .... قبل ما تحدفونى على الأرض و تنكسر رقابتى .... عايز أقراً الورقة لأني حكاية أمي كذا وكذا ... وقالهم إن أمة وصته إنه مايقراش الورقة ... إلا إذا جيه يموت وهو أكيد راح يموت لأنه هينط من الطيارة
المهم وقفوا و فتحوا الباب و الهواء طبعا من اللى قلبك يحبه
و أخينا أول ما إنفتح الباب ... فتح الوررقة
و ايه حصل
طارت الورقة وحدفوه من عند الباب وطاااررررررررر
ومات المسكين وهو ما يعرفش ايه في الورقة
على فكرة
انا كمان معرفش ايه فيها
يا حرااااااااااااااام ...... ربنا يرحمه
معلش خنقتكم شوية تعيشوا وتاخدوا غيرها | |
|
القيصر عضو مكافح
المشاركات : 132 العمر : 34 El Job : طالب /الشعر تقيم العضو : 0 تاريخ التسجيل : 25/03/2008
| موضوع: رد: الورقة اللي جننت كل البنات الأربعاء يوليو 09, 2008 4:46 pm | |
| رخمممممممممممممممممممممممممممممممممم دا انا انشليت ياراجل عشان اعرف ايه فى الورقه | |
|
mahmoud2086 عضو مكافح
المشاركات : 89 العمر : 37 El Job : القراءه تقيم العضو : 0 تاريخ التسجيل : 06/06/2008
| موضوع: رد: الورقة اللي جننت كل البنات الخميس يوليو 10, 2008 12:26 am | |
| هههههههههههههههههههههههههههههههههههههههههههه | |
|
ناري حار عضو مكافح
المشاركات : 67 العمر : 31 El Job : طالب تقيم العضو : 0 تاريخ التسجيل : 20/11/2009
| موضوع: رد: الورقة اللي جننت كل البنات الجمعة نوفمبر 20, 2009 11:16 am | |
| تتصدق الناس من العينة دي بيوبقوا رخمه ذي الست اللي ماتت | |
|