برنامج (لوحة شرف) الكابتن عباس الخسران-اوعه يفوتكم

من القيصر
الى جميع من فى المنتدى
لقاء مع احد المسؤولين الكبار فى الرياضه المصريه
واليكم الجزءالأول من اللقاء

المذيع: اهلا ومرحبا بكم فى برنامجكم لوحه شرف اللى هنستضيف فيه علم من اعلام الرياضه فى مصر

رئيس البعثه المصريه لدورة بارصابونه وممثل مصر فى الاتحاد الدولى الكابتن /عبـــاس الخسران

المذيع : اهلاا وسهلا بيك كابتن عباس فى البدايه عايزين نتعرف على البطاقه الشخصيه لسيادتك

الكابتن عباس : لا والله البطاقه الشخصيه اتسرقت منى لكن اقدر اقولك انا الكابتن عباس عبده الخسران

وانا من مواليد آآآآآآآآآآآآآآآآه آآآآآآآآآآآآآآآآآآه مش فاكر مش مهم لكن اللى أنا فاكره كويس جدا نسيته

المذيع : طيب كابتن عباس ممكن تكلمنا عن انجازات مصر فى دورة بارصابونه وليكن فى مجال السباحه

الكابتن عباس : لا دامصر حققت كتير فى مجال السباحه دااحنا كنا داخلين البطوله بعشر شباحين

المذيع : تقصد سباحين حضرتك

الكابتن عباس : لا السباحين دول العالم الغلابه انما احنا كان معانا عشر شباحين مسجلين خطر فى كل اقسام الشرطه

المذيع : طيب كان ايه البرنامج التاهيلى لهم

الكابتن عباس : لا دول خدوا مننا مجهود جبار احنا عملنالهم معسكر مغلق 3شهور فى الترعه وتدريب مكثف

دول طلعو من الترعه على الطياره على طول

الكابتن عباس : اللاعيبه دول حصلوبجداره على ميداليات خشبيه

الكابتن عباس : اللاعيبه دول اول ما الحكم صفر 7منهم غرقوا

المذيع : غرقوا !!!!!!!!! ازاى ياكابتن يغرقوا امال سباحين ازاى

الكابتن عباس : ماهو انا ماقلتلكش اصل احنا كان معانا واحد اسمه (عباس الدرفيل

الله يج يالله ماتجوزش على الميتين غير الرحمه

دا كان طوله 6 متر وعرضه كان حاجه فظيعه جدا كان بينط فى الحمام بالعرض

اول مانط فى الميه الميه كلها خرجت بره الحمام وحصلت عواصف وكوارث

الله يرحمهم ماتجوزش على الميتين غير الرحمه

المذيع : طيب كد فاضل اتنين معانا يا كابتن

الكابتن عباس : لا د الأتنين دول كانو معمولهم تدريب خاص فى الترعه لواحدهم خالص

الأتنين دول كانو الكابتن حماده الحوت والكابتن عبد السلام ابو سنه

الكابتن حماده الحوت كان عنده مشكله بسيطه هو كان بيحب يلبس الشورت اللى جابتهوله خالته روحيه من ايطاليا

بس الشورت كان دايب وهو كان من عادته انه بيعمل حركه برجله قبل ما ينط فى الميه

عمل الحركه اتكسف يطلع واحنا بنحاول نبعتله غيار عشان يعرف يجى

المذيع : طيب كابتن كده خلاص ولا ايه

الكابتن عباس : لا لسه احنا فضل معانا البطل بتاعنا الكابتن عبد السلام ابو سنه

الراجل ده كان شباح وشبيح فى نفس الوقت

دا بقه عبر العواصف اللى عملها عباس الدرفيل الله يالله ماتجوزش على الميتين غير الرحمه

واحنا قعدنا نشجعه ونقوله مصر هى امى نيلها هو كمى مصر مصر مصر

وخلاص هيوصل لنهاية الحمام لولا مؤامره دنيئه من الواد بتاع تونس

المذيع : ايه اللى حصل ياكابتن

الكابتن عباس : كل اللى حصل انه فسا له العوامه

بصلى الكابتن عبد السلام وقالى السباحه فى رقبتك ياحاج

وماتو كلهم هيه دنيا

انتهى الجزء الأول

ارجو يكون الجزء الأول عجبكم
وانتظر الردود لأستكمال الجزء الثانى

القـــــــــــــــــــــــــــــــــــيــــــــــــــــــــــــــــــصــــــــــــــــــــــــــــــــــــر

انا فى انتظار الردود
والجزء الثانى افضل بكثير
القيصر

هههههههههههههههههه

مستنين الجزء الثانى

وياريت لما تجيب الجزء التانى تحطه فى الردود بتاعت الموضوع دا
علشان تبقى المجموهة كلها مثبته

وتم تثبيت الموضوع

ههههههههههههههههههه
ايه يابمى الحاجات الجميله دى تسلم ايدك
مستنين الجزء التانى

شكر ا ليك

الله عليك يا قيصر