اقتراح منتدي جديد

السلام عليكم ورحمة الله وبركاته

يا جماعة كنت بقترح بوضع منتدي للابراج والفلك دة يكون فيه حظك اليوم لكل الابراج ودة متجدد يوميا
وكمان الي عايز يعرف معلومات عن برجه او برج اي معلومات عن اي حاجة خاصة بالابراج
وحيكون هذا المنتدي المقترح احد فروع منتدي الترفيه
وانا مستعدة اكون مشرفة عليه او مراقبة
منتظرة الرد من الإدارة سواء بالرفض او بالقبول

تقبلوا تحياتي

رغم انى مبأمنش بالكلام دة يا دودو بس انا هفضل معاكى للاخر انا ممكن اخصصلك موضوع يبفى فيه كل الى تحتاجيه انما حكاية منتدى دى بيتهيقلى انها هتبقى كبيرة اوى على الفكرة الى انتى طرحاها يعنى هيبقى فى منتدى موضوعين بيتكلمو عن حاجة واحدة بصى اشرحى الفكرة كاملة وفى الاول وفى الاخر احنا اصدقاء والمنتدى قبل منكون احنا ادارته احنا اعضاء زينا زيكو وبنقضى وقت جميل فيه يعنى لو قسم زى دة ناقص اكيد هنعملو بس اشرحيلى انتى بس الفكرة كاملة وانا اديكى الصلاحيات واعملهولك فورا وطبعا بحييكى على مجهودك وعلى افكارك المميزة ودة مش جديد عن ابداعاتك وبرده هنشوف اراء باقى الاعضاء عشان احنا كلنا هنا بنتشارك فى الرأى مش مسألة ادارة واعضاء وفى انتظار ردك

اوكي يا ديراكولا
انا اساسا مشرفة في احد المنتديات علي منتدي الفلك والابراج وهو احد المنتديات الترفيهية ياعني حتدخل تحت اسم المنتديات الترفيهية
المنتدي الي قصدي عليه حيكون كالاتي
المواضيع المثبتة حتكون عبارة عن : حظك اليوم
ودة كل يوم حيكون الحظ للابراج كلها
وبردوه من المواضيع المثبتة : شخصيتك من ععد حروف اسمك
وهكذا
ياعني المواضيع الي مفهات تغير ياعني الثابتة
المواضيع الغير مثبتة حتكون عبارة طلبات الاعضاء
ياعني حد طلب مواصفات تفصيلية لشخص معين
ياعني حاجات زي كدة
علي العموم مفيش مشكلة
انا اسحب طلبي يا جميل
تقبل تحياتي

لا تعليق

الفكرة جميلة بس انا خوفى كله من حاجة واحدة وهى ان اعضاء كتير ممكن يصدقو ان الكلام دة بجد وان دى حاجات حقيقية وبصراحة انا مبأمنش اطلاقا بالكلام دة حتى لو صدق واظن انتى كمان معايا فى النقطة دى ومش معنى كدة انى بقلل من قيمة الفكرة بالعكس انا ممكن انفذها بس لو هتبقى ماشية على اسلوب التسالى زيها زى اى لعبة فى منتدى الالعاب والتسالى انما مش عايزين ناخدها على انها جد وكدة لو متفقة معايا فى كلامى اوك نبدأ ننسق الموضوع سوا شوفى نظامك ايه وانا معاكى وبرده هنستنى اراء باقى الاعضاء وياريت يا ميدو بعد كدة تقول تعليقك ايه انت كدة مبينتيش لينا انت موافق ولا لا ولو مش موافق ايه سبب اعتراضك كدة يعنى دنتا المفروض مشرف المنتديات الترفيهية وليك رأى يؤخذ بيه ولا ايه

بعد اذنكم يا جماعه انا مليش انى اعترض لان ده مش حقى بس هقول رايى يا دودو فعلا ناس كتيييييييييييير بتؤمن بحكايه الابراج دى وخصوصا حظك اليوم ودا طبعا حاجات فى علم الغيب لا يعلمها الا الله واظن كلنا عارفين كده هيبقى خطا كبييييير اوى بالرغم من اننا مش مامنين بيها ومع ذلك بنقترح نعملها
ياريت تتقبلوا رايى ومتعتبرهوش تدخل منى

انتى ليه يا قطرة الندى اعتبرتى دة تدخل فى حاجة متخصكيش بالعكس انا احب اننا نتشارك فى أى حاجة مش مشكلة ادارة واعضاء ولا حتى صاحب الفكرة والادارة هو مين الى هيستفيد او يشارك مش انتو برده ودودو اما فكرت فى حاجة زى دى مش فكرت عشان وسيلة للتسلية لينا كلنا يعنى رأيك لازم يكون موجود ولازم نحطو فى حساباتنا انتى او اى حد من الاعضاء وياريت اشوف اراء تانية ومحدش بعد كدة يقول ملناش فيه لا لينا كلنا فيه ولازم كلنا نتشارك فى الرأى

السلام عليكم ورحمة الله وبركاته
اولا : يا جماعة اساسا انا سحبت الفكرة وياريت من الإدارة تحذف الموضوع
ثانيا : لو كان الموضوع مش اكتر من تسالي كنت طلبت من الاول يتحط في المنتديات العامة مش منتديات الترفيهية
ياريت تحطوا الحتة دي في تفكركم
ثالثا : علم الغيب مش في ايد حد غير ربنا احنا بنقول منتدي ترفيهي ياعني للتسلية
انا علي نفسي مش بأمن ولا بأخد بحظك اليوم والحجات دي
رابعا : احب اعرف حضراتكوا حاجة علم الفلك مصدق بيه من اكتر من 346 دولة (( في العلم ومنها السعودية )) بها في الرياض مركز لعلوم الفلك وايضا في مصر في مركز لعلوم الفلك والارصاد في القاهرة علي طريق المطار
ياعني علم الفلك مصدق به (( ودة بعيد عن الحظ طبعا )) علم الفلك هو الي بيحدد ان كل يوم معين كان سعتها كوكب معين وازاي بيأثر علي الكوكب الاساسي وحاجات مش حينفع اشرحها دلوقت
علم الفلك علم كبير وفيه علماء كتير وفي غموض اكتر دة الي شادتني ان افتح الباب عليه وبجانبه شوية ترفيه كحظك اليوم وكدة
بس علي العموم انا بسحب فكرتي نهائيا
تقبلوا تحياتي