mido1 مشرف المنتديات الترفيهية
المشاركات : 519 العمر : 33 El Job : الحقوق والنت تقيم العضو : 1 تاريخ التسجيل : 05/06/2008
| موضوع: خش يا مان اتفرج اتفرج الخميس مايو 07, 2009 11:00 pm | |
| البنت لما حد يسألها..إنتى مخطوبة؟
زمان:- لسه ربنا مأذنش,وعينها فى الأرض ووشها يحمر.
دلوقتي:- لأ ليه عندك عريس؟إيدي على كتفك..ناس معندهاش نظر.طيب متشيل انت
*الولد داخل على باباه ياخد مصروف الاسبوع
زمان:- ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه.
دلوقتى:- إيه يا مان احنا النهاردة كام فى الشهر ؟ انت مش هتأبجني ولا إيه حكايتك بالظبط ؟
يالا اختصر عشان معنديش وقت وصاحبي بيرنلي عشان انزل.ايه يا عم انت وقعت على ودانك وانت صغير ولا ايه ؟مش سامعني يعني ؟ عايز
الفلوووووووس...المونيـــــــــــــــــــــــــــــ ــى
*خروج الولد وموعد رجوعه البيت
زمان:- كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري.
دلوقتي:- تلاقي الولد داخل الساعة 1 صباحاً ,باباه يقوله كويس انك متأخرتش النهاردة!!,يرد الولد تأخير ايه يا مان؟؟
أنا طالع اغير هدومي ونازل تاني ,انا وكام واحد من اصحابي عندنا ماتش كده على الماشي .خش انت نام ومتقلقش وانا مش هتأخر
...الاب نام وصحي ونزل يصلي الفجر وهو راجع يلاقي ابنه عند بتاع الفول بياكل !! ايه يابني انت لسه مروحتش؟ يرد الولد اهلااااا بالكبير اوى
معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل
,,يكمل الولد بعدين لقينا عصافير بطننا (بتنعر!!)قلنا نسدها بأه ....
دخول الاب البيت
زمان:- يسمعوا بس صوت باباهم من بعيد كله يقوم مرعوب واللى فى ايده حاجة يسيبها ،
ويستقبلوا باباهم على الباب ولو معاه حاجة يشيلوها عنه.
دلوقتى:- الولد قاعد قدام الكمبيوتر او بيتفرج على ماتش كورة ،
البنت بتتكلم فى التليفون (مش فاضيين يعملوا ايه !!) الاب على الباب بيخبط (مع العلم ان الاب ليه خبطة مميزة يعني عارفين انه اللى على الباب)
الاب خبط مرة واتنين ويرن الجرس فين وفين البنت اخدت بالها ان فى حد بيخبط,,انت يابني متسيب اللي في ايدك
ده وتروح تفتح لبابا,,يرد الاخ نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة,,
ترد نعم؟؟على الاقل انا بتكلم فى التليفون اقول ايه لصاحبتي يعني ؟؟انما انت مبتعملش حاجة ماتقوم انت
ولا انت لازم تمارس دور راجل البيت وخلاص؟؟يرد ماتعدلي كلامك معايا انا اخوكي والولد هنا وكلامي لازم يتسمع
...ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا.
*نزول الولد لشراء احتياجات البيت
زمان:- كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر!
دلوقتي:- الام يطلع عينها من التحايل على الولد ينزل يجيب حاجة من البقال اللي جنبهم حتى يرد
ما تخلي فلانة تنزل ماهي قاعدة ما بتعملش حاجة.الام تقوله يابني اختك المفروض ماتنزلش كتير ديه
مهما كانت بنت والوقت متاخر.بنت يعني ايه؟؟العو هياكلها مثلا؟ ولا الاشكيف مستنيها؟؟ ديه بنتك تخوف بلد.
:zakia: يابني انت المفروض راجل البيت..يرد وانتوا خليتوا فيها راجل مش طالبتم بالمساواة؟
يالا اشربوا عشان تبقوا تقولوا الراجل زى الست.هى فى حاجات وحاجات لأ يعني؟؟حاجة غريبة اوي!!!
*نزول المرأة للعمل
زمان:- كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي:- منه لله قاسم امين .هو اللى بهدلنا. هو اللى نزلنا الشغل و خلانا نتبهدل .
انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا ؟؟!!!! | |
|
Sorrow Bird Ŧĥę •*• ĞęŃęЯ⣠™
المشاركات : 500 العمر : 33 El Job : طالب تقيم العضو : 9 تاريخ التسجيل : 02/03/2009
| موضوع: رد: خش يا مان اتفرج اتفرج الجمعة مايو 08, 2009 12:12 am | |
| ههههههههههههههه بجد جااااااااااامده وعندك حق فى كل كلمه بس يلا ربنا يستر والحكايه مش تطور عن كده | |
|
شيرين عضو مكافح
المشاركات : 127 العمر : 35 El Job : طالبة تقيم العضو : 2 تاريخ التسجيل : 10/04/2009
| موضوع: رد: خش يا مان اتفرج اتفرج الجمعة مايو 08, 2009 7:30 pm | |
| شكرا على موضوعك.والله انت عندك حق في كل حاجه.ماعدا كلامك عن البنت لما يسالوها هي مخطوبه ولا لآ.انت غلطان شويه وانا بتكلم عن نفسي........مشكور. | |
|
mido1 مشرف المنتديات الترفيهية
المشاركات : 519 العمر : 33 El Job : الحقوق والنت تقيم العضو : 1 تاريخ التسجيل : 05/06/2008
| موضوع: رد: خش يا مان اتفرج اتفرج السبت مايو 09, 2009 5:18 pm | |
| - شيرين كتب:
- شكرا على موضوعك.والله انت عندك حق في كل حاجه.ماعدا كلامك عن البنت لما يسالوها هي مخطوبه ولا لآ.انت غلطان شويه وانا بتكلم عن نفسي........مشكور.
دة موضوع ضحك وهزار مش كل البنات طبعا زى بعض ومش كل بنطبق على الاولاد وانا عن نفسى لما بهزر مع اصحابى عادى بنهزر كدة مفيهاش حاجة. | |
|
RoSe AMouR L o v ę ♥ H ę â Я Ŧ
المشاركات : 224 العمر : 34 El Job : student تقيم العضو : 0 تاريخ التسجيل : 28/05/2009
| موضوع: رد: خش يا مان اتفرج اتفرج الجمعة يونيو 19, 2009 10:20 pm | |
| موضوع جميل ياميدو تسلم ايديك وفعلا معظم اللى مكتوب دى اللى بيحصل وحكاية الاب بقى اللى جاى من برة دى ممكن تكون مبالغة بس مع الاسف بتحصل فى بعض الاوقات انا عن نفسى مش بعمل كدة لان اساسا بابا معاه مفتاح فامش مضطرة اتشاكل مع حد ههههههههههه | |
|
الملكة نونو عضو مشاكس
المشاركات : 607 العمر : 34 El Job : لسة بفكر هشتغل اية تقيم العضو : 0 تاريخ التسجيل : 14/06/2009
| موضوع: رد: خش يا مان اتفرج اتفرج السبت يونيو 20, 2009 3:31 pm | |
| موضوع جميل بصراحة ويضحك وللااسف معظم دة الى بيحصل دلوقت تسلم ايدك ياميدو | |
|
سندريلا نونا مشرفة روابط المطربات والمطربين
المشاركات : 988 العمر : 34 El Job : طالبه جامعيه تقيم العضو : 0 تاريخ التسجيل : 22/06/2009
| موضوع: رد: خش يا مان اتفرج اتفرج الثلاثاء يونيو 23, 2009 3:42 pm | |
| ههههههههههههه جميل اوى الموضوع ده بجد كل ده بيحصل ف الزمن ده تسلم ايديك يا ميدو | |
|
مشمشة هيما** عضو مكافح
المشاركات : 121 العمر : 35 El Job : طالبه لسه ... تقيم العضو : 3 تاريخ التسجيل : 29/10/2009
| موضوع: رد: خش يا مان اتفرج اتفرج الجمعة أكتوبر 30, 2009 10:30 am | |
| مووضع جميل اوى تسلم ايديك ومستنيه جديدك | |
|